«Поможем зимующим птицам» - акцияҕа кыттыы.

       Бэлэмнэнии бөлөх иитиллээччилэрэ, иитээччи Тимофеева Людмила Васильевна, «Айылҕа харыстабылын министиэристибэтэ» тэрийбит кыһын устата республиканскай экологическай «Поможем зимующим птицам» - акцияҕа кыттыһан бэрт киэӊ далааһыннаах үлэни ыытан, бу йыга хаартыскалаах презентация уонна отчуот оӊорон ыыттылар.

 Акция кэмигэр оҕолор кыстыыр чыычаахтары билистилэр, кэтээн көрөргө үөрэннилэр, айылҕаны харыстыы, тыынар – тыыннааҕы көрүүгэ – истиигэ аһатыыга сылаас сыһыаны иӊэриннилэр, билэр – көрөр баҕалара кэӊээтэ.

      «Чыычаах», «Чооруостар» хоһоон, ырыа биллилэр, остуоруйа иһиттилэр. Мультик көрдүлэр. Кыһын ойуурга ас ыйаан, детсад тэлгэһэтигэр чыычаах уйаларын ыйаан, уруһуйдаан, сыһыаран тэрилтэлэринэн листовка тарҕатан активнайдык кытыннылар.

     Биһиги төөрөппүттэрбит эмиэ кыттан бу үлэбитигэр күүс-көмө, тирэх буоллулар. Аҕаларбыт чыычаах уйатын бэркэ чочуйан оӊордулар. Ийэлэрбит төрөппүттэрбитигэр истиӊ махталбытын тириэрдэбит. Маннык киэӊ-куоӊ акциялар, прпоектар «Оҕо – төрөппүт - иитээччи» бары кыттыгар үлэлэрэ киэӊ көрүүгэ тахсара ситиһии төрдө буоларын саарбахтаабаппыт. Барыгытыгар айымнньылаах үлэни баҕарабыт.

Людмила Васильевна уонна бэлэмнэнии бөлөх оҕолоро.

Улуустааҕы «Чэмэлиинэ 2018» күрэх.

Кыыс оҕону кыра эрдэҕиттэн сыанаҕа тутта – хапта сылдьарга, талаанын, дьоҕурун сайыннараары, кэрэни кэрэхсииргэ үөрэтэр сыллаах, улуустааҕы оскуолаҕа киириэн иннинээҕи саастаах оҕо тэрилтэлэрин иһинэн «Чэмэлиинэ - 2018» куонкурус кулун тутар 23 күнүгэр «Айылгы» оҕо саада иилээн-саҕалаан ыытта. Күрэххэ Бэс-Күөлтэн, Кировскайтан, Маӊаныттан, Бэрдьигэстээхтэн, Күөрэлээхтэн уопсайа 9 кыыс күөн көрүстүлэр. Кыттааччылар олус бэлэмнээхтэрин, төрөппүттэрин оҕолорун туһугар кыһаллан сүүрэн-көтөн, төбөгөрэн араас сиэдэрэй муода оӊорон таһаарбыттарын бэлиэтиир тоҕоостоох. Көрөөччүлэр бары долгуйа кэтэһэ биир тыынынан, дуоһуйа көрбүт буолуохтаахтар.

Биэс тыӊааһыннаах түһүмэх кэннэ 3 киһиттэн тутар дьүүллүүр сүбэбит түмүк таһаарбытынан «Чэмэлиинэ 2018» күррэх кыайыылааҕынан Бэс-Күөл нэһилиэгиттэн «Радуга» оҕо саадын иитиллээччитэ Данилова Дайыына (6 саастаах) ааттанна. Бу кэрэ бырааһынньыкпытыгар спонсордаабыт бары дьоммутугар өссө да махталбытын биллэрэбит. «Красота-спасет мир!» дэлэҕэ этиэхтэрэ дуо!

Тимофеева Л.В.

"Карапузики-2018"

Муус устар 7 күнүгэр Бэрдьигэстээх сэлиэнньэтигэр оҕо саадын иитиллээччилэригэр сылын аайы ыытыллар «Карапузики» куонкуруска кыттан кэллибит. 9 оҕону кытыннаран, «Вокал» номинацияҕа: Виктория Федорова «Уһун суһуох» ырыанан 1 ст. Лауреат аатын, Аделина Максимова «Кэрэчээн лыахчаан» ырыанан 2 ст. Лауреат аатын, уонна «Айылгы» ансамбль «Пусть всегда будет солнце» ырыанан 3 ст. Лауреат аатын сүктубут. «Хореография» номинацияҕа «Рио - рита» үӊкүүнэн 2 ст. Лауреат буоллулар. Төрөппүттэрбитигэр күүс-көмө, тирэх буолан көмөлөспүттэригэр улахан махталбытын тириэрдэбит.

          

               Муус устар 11 күнүгэр, Бэрдьигэстээх 10 нүөмэрдээх «Кырачаан ымыылар» оҕону сайыннарар киин бастакытын улуустааҕы интеллектуальнай «Тииӊ мэйии» күрэҕи ыытта. 6 нэһилиэк уонна Бэрдьигэстээх оҕо саадтарыттан барыта 13 бэлэмнэнии бөлөҕүн бастыӊтан бастыӊ иитиллээччилэрэ 8 сорудаҕы толорон күрэхтэстилэр. Биһиги кыыспыт Максимова Самина бочуоттаах 2 миэстэни ылан, өссө биир ситиһиилэннибит. Кыайбыттарга мэтээл, грамота, бирии туттарылынна.

 

 

Иитээччи Людмила Васильевна Тимофеева.

 

 

«Болҕомто бүлэһиттэргэ».

Ленинскэй хомсомуол өрөгөйдөөх 100 сылын көрсө, улуус, нэһилиэк иһинэн араас көрсүһүүлэр, биэчэрдэр бэрт сэргэхтик буолан аастылар. Күөрэлээхтээҕи «Айылгы» оҕо саадын профкома бэтэрээн үлэһиттэрбитигэр бу бэлиэ күнүнэн биэчэр тэрийэн ыыттыбыт.

Өр сыл иитээччиннэн үлэлээбит Яковлева С.С., Сидорова Н.П., Александрова Н.В., поварынан үлэлээбит Петрова К.С., Оленова А.С., таӊас сууйааччыбыт Алексеева У.Г. үөрүүннэн кэлэннэр сылаас чээй иһэ-иһэ хомсомуол саҕана үлэлээн ааспыт кэмнэрин хаасртысканнан оӊорон кэпсээтилэр. Көрдөөх оонньуулары оонньоотулар, ол кэмнээҕи ырыалары ыллаан астынан харахтыын сырдаан, санаалыын чэпчээн, истиӊник саныыр тэрилтэлэригэр махтал тылларын этэн аастылар.

Бу курдук бириэмэ бириэмэ бэтэрээн үлэһиттэргэ кыра да болҕомто уурар наадалаах эбит диэн түмүккэ кэллибит.

«Айылгы» оҕо саадын профкомун чилиэннэрэ:

Федорова Е.Е.,

Тимофеева Л.В.,

Яковлева М.П.

«Сардаана» бөлөх кэпсиир.

Балаҕан ыйыгар, биһиги оҕо саадпыт «Сардаана» бөлөх иитиллээччилэригэр «Суолтан сэрэхтээх буолуу» месячник чэрчитинэн ыытыллыбыт, «Мин суол быраабылатын тутуһабын» диэн аралдьытыыга Бэрдьигэстээхтэн участковай Федоров П.Н. кэлэн ыалдьыттаата. Оҕолорго суол быраабылатын тутуһарга, сэрэхтээх буоларга бэсиэдэ уонна күрэхтэһии ыытта.

 

Алтынньыга улуустааҕы уоттан утары охсуһар баһаарынай чаас инструктордара Петров М.Г., Иванова Н.О. биһиги оҕо саадпытыгар кэлэн үлэһиттэргэ, оҕолорго үөрэх ыыттылар. Онтон оҕолорго бэсиэдэ, спортивнай күрэх ыыттылар. Оҕолор сүрдээҕин сэргээтилэр, кыыстыын уоллуун бары баһаарынай буолуох буоллулар.

«Кыыс күнэ»

Алтынньы ый бүтүүтэ тиийэн кэллэ. Биһиги оҕо саадпытыгар кырачаан «Чуораанчык» бөлөх оҕолоругар «Кыыс күнэ» бырааһынньык буолла. Манна, бары кырачаан кырасаабыссаларбыт, мааны былааччыйа кэтэн, киэргэнэн, уолаттар оонньуппут араас күрэхтэһиилэригэр оонньоотулар. Сүүрдүлэр, оҕуруо тистилэр, ас даҕаны астаатылар. Түмүккэ бары оонньууга барытыгар оонньообут Платонова Киара кыайыылааҕынан таҕыста.

 

"Эбээ Нэдиэлэтэ"  

            Тохсунньу 15-19 күннэригэр биир нэдиэлэ «Эбээ үчүгэй, эбээ дэлэгэй» диэн «Сардаана» бөлөх оҕолор эбээлэрэ ыалдьыттаан бардылар. Иитиллээччилэрбитин эбээлэр араас элбэх оонньуулаах, күрэхтэһиилээх, интэриэһинэй кэпсээннээх кэлэн оҕолору үөртүлэр, билиилэрин кэӊэттилэр. Ол курдук Ковров Тима эбээтэ Коврова Л.Т. остуол оонньууларын ыытан оҕолору сэргэттэ; Винокуров Вова эбээтэ Петрова К.С. саха иһиттэрин көрдөрдө, тойуктаан иһитиннэрдэ; Петрова Диана эбээтэ Колочева В.А. араас дойдуларга Саӊа дьылы хайдах көрсөллөрүн, тымныы Моруос араастарын кэпсээтэ, оонньотто; Ноговицын Толлуман эбээтэ Федорова М.Н. нуучча шашкатыгар оҕолорго күрэхтэһии ыытта. Оҕолор бары үөрдүлэр-көттүлэр, эбээлэригэр үтүө тыллары тиэртилэр. Өс хоһооно этэринэн - «Эдэртэн эйэтин, кырдьаҕастан сүбэтин» туһаныаҕыӊ.

 

«Бу нэдиэлэҕэ биһиэхэ»

                Олунньу 4-8 күннэригэр «Сардаана» группалар Путешествие диэн теманан үлэлииллэр. Манна күннэри тыыран оҕолорго бэрт интэриэһинэй бэсиэдэлэр, оонньуулар, үлэлэр ыытыннылар. Ол курдук оҕолор итии Африкаҕа айаннаатылар, Хотугу полюска, Кытайга күүлэйдээн элбэҕи билэн көрөн туристаан кэллилэр.  Итии африкаҕа сөмөлүөт иллюминаторыттан көстөөр:

«Ийэ дойдуну көмүскээччилэр»

            «Ийэ дойдуну көмүскээччилэр» күннэригэр аналлаах нэдиэлэ бэрт тэрээһиннээхтик ааста. Ол курдук араас бэсидэлэр, кэпсээннэр, экскурчиялар, оонньуулар буоллулар. Төрөппүттэр «Мин киэн туттуум» диэн хаһыат оӊорон аҕаллылар. Оҕолдор биир дойдулаахпыт Степан Гурьевич Ковров туһунан элбэх саӊаны биллэилэр. Түмүгэр кыргыттар уолаттарга байыаннай темалаах эстафета ыыттылар.

Иитээччилэр Коврова Е.С., Яковлева М.П., Федорова Е.Е.